ئاقچىدىكى يەر تەۋرەشتە 15 مىڭدىن ئارتۇق ئادەم ئاپەتكە ئۇچرىدى

ئۇيغۇر ئېلىنىڭ قىزىلسۇ ئوبلاستىغا قاراشلىق ئاقچى ناھىيە دائىرىلىرىنىڭ ئېلان قىلىشىچە، 19 - ئاپرىلدا رايوندا يۈز بەرگەن 5.5 بال يەر تەۋرەش، 15 مىڭ بىر يۈز ئادەمنى ئاپەتكە ئۇچراتقان. مۆلچەرلىنىشىچە، ئاپەتنىڭ كەلتۈرگەن بىۋاستە ئىقتىسادى زىيىنى 54 مىليون يۈئەندىن ئاشىدىكەن.
ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩ
2009-04-21
Share

گەرچە، ئاپەتتە ئۆلۈم - يېتىم ئەھۋالى كۆرۈلمىگەن بولسىمۇ، دېھقان - چارۋىچىلارنىڭ ئۆيلىرى ئېغىر بۇزغۇنچىلىققا ئۇچرىغان بولغاچقا چېدىرلارغا كۆچۈرۈلگەن.

بۇ يەر تەۋرەش ئاپىتىدە 3200 دىن ئارتۇق ئائىلىنىڭ ئۆيلىرى بۇزۇلغان بولۇپ، ئارىسىدا 39 ئائىلىنىڭ 78 ئېغىز ئۆيى پۈتۈنلەي ئۆرۈلگەن، 330 ئائىلىلىكنىڭ 700 ئېغىزدىن ئارتۇق ئۆيلىرى ئېغىر دەرىجىدە ۋەيران بولغان، قالغانلىرىدىمۇ ئوخشىمىغان دەرىجىدە بۇزۇلۇش، ئۆرۈلۈش ۋە دەز كېتىش ئەھۋاللىرى كۆرۈلۈپ خەتەرلىك ئۆيلەرگە ئايلانغان.

خىتاي دائىرىلىرى گەرچە 2004 - يىلىدىن 2008 - يىلنىڭ ئاخىرغىچە پۈتۈن ئۇيغۇر ئېلىدىكى يەر تەۋرەش رايونلىرىدا ئولتۇرۇشلۇق دېھقان چارۋىچىلارنى يەر تەۋرەشكە چىداملىق بىخەتەر ئۆيلەرگە كۆچۈرۈپ بولىدىغانلىقىنى ۋەدە قىلغان بولسىمۇ، يېقىنقى بىر ئىككى يىل مابەينىدە ئۇيغۇر ئېلىنىڭ ھەر قايسى جايلىرىدا يۈز بەرگەن يەر تەۋرەشلەردە يەنىلا ئۆيلەرنىڭ ئۆرۈلۈش ئەھۋاللىرى ئومۈميۈزلۈك كۆرۈلمەكتە، شۇنداقلا دېھقان چارۋىچىلارنىڭ ئاپەتتە ئۇچرىغان زىيانلىرى ئېغىر بولۇپ كەلمەكتە.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت