Aqchidiki yer tewreshte 15 mingdin artuq adem apetke uchridi

Uyghur élining qizilsu oblastigha qarashliq aqchi nahiye da'irilirining élan qilishiche, 19 - aprilda rayonda yüz bergen 5.5 Bal yer tewresh, 15 ming bir yüz ademni apetke uchratqan. Mölcherlinishiche, apetning keltürgen biwaste iqtisadi ziyini 54 milyon yü'endin ashidiken.
Muxbirimiz gülchéhre
2009.04.21
Share on WhatsApp
Share on WhatsApp

Gerche, apette ölüm - yétim ehwali körülmigen bolsimu, déhqan - charwichilarning öyliri éghir buzghunchiliqqa uchrighan bolghachqa chédirlargha köchürülgen.

Bu yer tewresh apitide 3200 din artuq a'ilining öyliri buzulghan bolup, arisida 39 a'ilining 78 éghiz öyi pütünley örülgen, 330 a'ililikning 700 éghizdin artuq öyliri éghir derijide weyran bolghan, qalghanliridimu oxshimighan derijide buzulush, örülüsh we dez kétish ehwalliri körülüp xeterlik öylerge aylan'ghan.

Xitay da'iriliri gerche 2004 - yilidin 2008 - yilning axirghiche pütün Uyghur élidiki yer tewresh rayonlirida olturushluq déhqan charwichilarni yer tewreshke chidamliq bixeter öylerge köchürüp bolidighanliqini wede qilghan bolsimu, yéqinqi bir ikki yil mabeynide Uyghur élining her qaysi jaylirida yüz bergen yer tewreshlerde yenila öylerning örülüsh ehwalliri omümyüzlük körülmekte, shundaqla déhqan charwichilarning apette uchrighan ziyanliri éghir bolup kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.