Aqsaray xu jintawning kishilik hoquq wedisini yéqindin teqib qilidighanliqini bildürdi

Aqsaray bayanatchisi robért gibbs peyshenbe küni bayanat élan qilip, xitay dölet re'isi xu jintawning aldinqi küni aqsarayda bergen kishilik hoquqni yaxshilash toghrisidiki wedisini yéqindin teqib qilidighanliqini bildürdi.
Muxbirimiz erkin
2011-01-21
Share

Robért gibbs peyshenbe küni muxbirlargha eskertip, "re'is xu jintaw dunyagha xitayning kishilik hoquq saheside téximu yaxshi ishlarni qilidighanliqini jakarlidi. Bu tünügünki chong xewer. Biz elwette buninggha memnuniyitimizni bildürimiz. Biz xitay hökümitining herikitini teqib qilip, ularning charshenbe küni aqsarayda bergen wedisige wapa qilidighan-qilmaydighanliqigha qaraymiz" dep körsetti.

Xu jintaw ötken charshenbe küni prézidént obama bilen aqsarayda chaqirghan muxbirlarni kütüwélish yighinida muxbirlargha bayanat bérip, kishilik hoquqni yaxshilash jehette téximu köp ishlarni qilidighanliqini bildürgen. Lékin, u bu sahede qandaq ishlarni qilidighanliqini tepsiliy chüshendürmigen idi.

Robért gibbs peyshenbe künidiki bayanatida yene, "bir xitay rehbirining chet'elni ziyaret qilip, prézidént obama bilen bir qatar mesililerde söhbet élip barghandin kéyin, xitayda kishilik hoquqni yaxshilash kéreklikige da'ir bundaq dostane wedide bolushi biz üchün bir xewer" dep körsetti. Robért gibbs xu jintawning kishilik hoquqni yaxshilash toghrisidiki wedisini maxtighan bolsimu, lékin bezi metbu'atlar xu jintawning kishilik hoquqni tilgha élishtiki heqiqiy gherizige guman bilen qaraydighanliqini, uning kishilik hoquqni yaxshilashni otturigha qoyush bilen birge, gherbning kishilik hoquq qarishigha qoshulmaydighanliqini eskertip, kishilik hoquqning milliy alahidilikini tekitlewatqanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet