Ақсу 5 ‏- башланғучтики дәссилиш вәқәсидә яриланған оқуғучилар техичә даваланмақта

Ақсу валий мәһкимисиниң тор бетидики бир хәвәрдә билдүрүлүшичә, 11 ‏-ноябир күни вилайәтлик парткомниң муавин секретари мутәллип қасим, хитай өлкилиридики зияритидин қайтиш сәпиридә, айродромдин чиқипла вилайәтлик 1-дохтурханиға барған вә 5 ‏-башланғучтики дәссилиш вәқәсидә яриланған оқуғучиларни йоқлиған.
Мухбиримиз шөһрәт һошур
2010.12.15

Буниңдин қариғанда, дәссилиштин яриланған оқуғучиларниң техичә давалиниватқанлиқи, оқучиларниң ярилиниш әһвалиниң даириләрниң билдүргинидәк дәриҗидә йеник әмәслики ашкариланмақта.

Мухбиримиз 2 һәптиниң алдида ақсу шәһәрлик маарип идарисиниң башлиқи ли җини зиярәт қилған, ли җи оқуғучиларниң әһвалида чоң мәсилә йоқлуқини, көп қисминиң яхшилинип дәрсни башлиғанлиқини, қалған қисминиңму бир қанчә күн ичидә дохтурханидин чиқидиғанлиқини билдүргән иди. Хитайда ахбарат әркинликиниң болмаслиқи, даириләрниң мәсулийәтсизликлирини җәмийәттин йошуруши, 5 ‏-башланғучтики дәссилиш һадисисигә охшаш вәқәләрдә, алдини елиш вә зиян-зәхмәтни азайтишқа тосалғу болмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.