خەۋەردە ئاشكارىلىنىشىچە، مەزكۇر شەخسلەر لوندون ئىمپېرىيە ئىنستىتۇتى گېئولوگىيە فاكۇلتېتىنىڭ پروفېسسور ۋە ئوقۇغۇچىلىرى بولۇپ، ئۇلار ئاقسۇ ۋىلايىتىنىڭ كەلپىن، كونىشەھەر، ئاۋات قاتارلىق بەش ناھىيىسىدە جۇغراپىيىلىك ئۇچۇر توپلاش بىلەن شۇغۇللانغان ئىكەن.
مەلۇم بولۇشىچە، 2008 - يىلى سېنتەبىردە ئاقسۇ ۋىلايەتلىك بىخەتەرلىك تارماقلىرى ۋە يەر باشقۇرۇش ئىدارىسى بىرلىكتە، ئەنگلىيىلىك بۇ مۇتەخەسسىسلەرگە قارىتا دېلو تۇرغۇزغان ھەمدە شۇ يىلى ئۆكتەبىردە ئۇلارنىڭ تەكشۈرۈپ - تەتقىق قىلىش خىزمىتىنى بۇيرۇق چۈشۈرۈپ توختاتقان.
گەرچە ئۇلاردا خىتاي دۆلەتلىك يەر تەۋرەش ئىدارىسىنىڭ تەكلىپنامىسى ھەمدە مۇناسىۋەتلىك ماتېرىياللار بار بولسىمۇ، ئەمما خەۋەرگە قارىغاندا، ئۇلارغا جەرىمانە قويۇلغاندىن سىرت يەنە، ئۇلار ئېلىپ كىرگەن يەر شارى ئورۇن بەلگىلەش ئەسۋابى، فوتو ئاپپارات، كومپيۇتېر قاتارلىق ئۈسكۈنىلەرنىڭ ھەممىسى خىتاي دائىرىلىرى تەرىپىدىن مۇسادىرە قىلىنغان.