Aqsuda yerlik da'iriler höjjet chüshürüp, Uyghurlarning yuqirigha erz ‏- shikayet qilishini tosimaqta

Merkizi gérmaniyidiki dunya Uyghur qurultiyi Uyghur erz - shikayetchilerdin 3 kishining j x da'iriliri teripidin qolgha élin'ghanliqini bildürdi. Mezkur teshkilatning bayanatchisi dilshat rishitning eskertishiche, aqsu wilayitining yéqinda her qaysi nahiyilerge chüshürgen 172 ‏ - nomurluq höjjitide erz - shikayetchiler jem'iyet muqimliqini buzghuchilar, dep eyiblen'gen bolup, ularning yuqirigha erz qilip bérishini tosashta qattiq wastilarni qollinish telep qilin'ghan.

Yéqinqi yillardin béri aptonom rayon we béyjinggha dawa qilip baridighan Uyghur erz - shikayetchilerning sani üzlüksiz köpeymekte idi.

Aqsu kelpin nahiyisining gezlik yézisidiki jélil rahman, yorchi yézisidiki qari ehmet, kelpin baziridiki ablimit yunus qatarliq 62 neper kan ishchisining turmush puli telep qilish dawasi, yorchi yézisidiki memtimin sali, ilyas rozi qatarliqlarning aqchi nahiyisidiki charwichilar bilen bolghan jidelde ziyanni tölitiwélish dawasi, sawut sayit, muhemmet qurban qatarliq 11 kishining sendungluqlar qurghan may zawutidin turmush puli telep qilish erzi, bu türdiki dawa - shikayetlerning bir qisimi idi. Lékin da'iriler yuqiriqi kishilerning erzini körüp chiqishni ret qilghan.