Хитай җ х тармақлири ақсудики партлаш һәққидә учур тарқатқан икки хитайни җазалиди

Хитайчә яшин ториниң хәвәр қилишичә, хитай җ х тармақлири ақсудики партлаш вәқәсини қол телефон учури арқилиқ җәмийәткә тарқатқан 2 нәпәр хитайни иғвагәрчилик билән әйибләп, уларға айрим-айрим һалда 7 вә 4 күнлүк тутуп туруш җазаси бәргән.
Мухбиримиз шоһрәт һошур
2010-08-31
Share

Хәвәрдә билдүрүлүшичә, мәзкур кишиләр ақсудики партлаш вәқәсини ичкири өлкилиридики дост - бурадәрлиригә учур қилғанда, вәқәни көптүрүп җәмийәттә еғир вәһимә пәйда қилған.
 
Хитай һөкүмити ақсудики партлитиш вәқәси һәққидә ахбарат елан қилған болсиму, вәқәниң тәпсилати һәққидә көп тохталмиған һәм дөләт игиликидин башқа ахбарат вастилириниң мәзкур хәвәрни тарқитишини чәклигән. Болупму, игәрчидики партлитиш вәқәсидин 3 күн бурун йүз бәргән көкярдики етишиш вәқәсини һазирғичә ахбараттин йошуруп кәлмәктә.

Хәвәрдә билдүрүлүшичә, җазаланған икки киши санҗи областидин болуп, бу йеқинқи йилларда уйғур елида хитайлардин шу түр җинайәт билән әйибләнгән тунҗи кишиләр һесаблиниду. Әһвалдин қариғанда, хитай һөкүмитиниң, уйғурларниң қораллиқ шәкилдики қаршилиқлирини көп тәшвиқ қилишни дөләт мәнпәәтигә зиянлиқ дәп қараватқанлиқи байқалмақта.

 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт