Xitay aqsuda yüz bergen partlash weqesining arqisida 2 gumanliq kishi barliqini élan qildi

Xitay da'iriliri jüme küni bayanat élan qilip, aqsuda yüz bergen partlash weqesini keltürüp chiqarghanlarning bir er, bir ayal, ikki kishi ikenlikige ishinidighanliqini élan qilghan.
Muxbirimiz erkin
2010-08-20
Share

Shinxu'a agéntliqi we yer shari waqti gézitining xewer qilishiche, da'iriler üch chaqliq motsiklitqa bomba qachilap, xitay amanliq küchlirige hujum qilghanlarning ikki kishi ikenlikidin guman qiliwatqanliqini ilgiri sürgen.

Lékin, Uyghur aptonom rayoni hökümitining bayanatchisi xu xenmin fransiye axbarat agéntliqigha bayanat bérip, weqe peyda qilghuchining birdin artuq kishi ikenliki hazirche "éniq emesliki" shundaqla weqeni "térrorluq heriket" dep muqimlashturushning hazirche baldurluq qilidighanliqi, chünki tekshürgüchiler weqening bomba partlashtin kélip chiqqanliqini chetke qaqqanliqini ilgiri sürgen.

Peyshenbe küni aqsu shehirining igechi yézisida yüz bergen bu weqede, charlash élip bériwatqan motsiklitliq xitay amanliq küchliri motsiklitliq bir Uyghurning hujumigha uchrap, 4 saqchi 3 puqra ölgen idi. Yer shari waqti géziti xitay da'irilirining aqsuda herbiy halet élan qilghanliqini xewer qilghan bolsimu, lékin bayanatchi xu xenmin buni ret qilghan.

Bezi analizchilar üch chaqliq motsiklitning hujumida 7 ademning ölüshi eqilge bek sighmaydighanliqini, bu türlük ölüm ‏- yétimlerning peqet bomba partlitish yaki "semen weqesi"ge oxshash chong tipliq yük aptomobillirining hujumida yüz bérish éhtimalliqi barliqini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet