Xitay kompartiyisi mushu bir yil ichide Uyghur élidiki asasi qatlam partiye teshkilatlirini jiddiy köpeytti

Xitay kompartiyisining Uyghur élidiki asasi qatlam partiye teshkilatlirining sani mushu bir yil ichide jiddiy köpeygen.
Muxbirimiz erkin
2011-07-01
Share

Shinxu'a agéntliqining ashkarilishiche, Uyghur élide aptonom rayonluq partkomgha qarashliq asasi qatlam yachéyka we partiye komitétliri mushu bir yilda 2 mingdin artuq köpiyip, 69666 ge yetken. Shinxu'a agéntliqining bu heqtiki xewiride rayondiki kompartiye asasi qatlam teshkilatlirining ötken yilqidin 2048 i köpeygenliki bildürülgen. Lékin shinxu'a agéntliqi xewiride yéngi köpeygen partiye asasi qatlam teshkilatlirining qaysi jaylarda we qaysi sahelerde qurulghanliqini, bundaq téz köpiyishtiki sewebni chüshendürmigen.

Bezi analizchilar, bu da'irilerning “5-Iyul weqesi” din kéyin bixeterlikni kücheytipla qalmay, asasi qatlam partiye qurulushini kücheytip, Uyghurlargha siyasiy, idiyiwi kontrolluqni kücheytkenliki bilen munasiwetlik, dep körsetmekte. Shinxu'a agéntliqining xewiride yene, Uyghur aptonom rayonidiki xitay kompartiye ezalirining bir milyon 320 mingdin ashqanliqi, buning 71.50 Pirsentini yerlik milletler igileydighanliqi bildürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet