Asiya - tinch okyan iqtisadiy hemkarliq teshkilatining yighini échildi

22 - Noyabir küni péruning lima shehiride ötküzülgen asiya - tinch okyan iqtisadiy hemkarliq teshkilatigha eza döletler bashliqliri yighini jeryanida dunya iqtisadiy krizisini hel qilish mesililiri muzakire qilinish bilen bir waqitta, amérika prézidénti jorj bush üch erkinlik pikrini yeni "erkin bazar, erkin soda we erkin xelq" pikrini otturigha qoyup, mezkur üch nuqtini qollaydighanliqini tekitlidi.
Muxbirimiz ümidwar
2008-11-23
Share

Birleshme agéntliqning xewer qilishiche, ikki künlük yighin jeryanida nöwettiki pul - mu'amile krizisi, soda - iqtisad hemkarliqliri mesililiri muzakire qilinip, axirida birleshme bayanat élan qilindi. Prézidént bush yighin jeryanida rusiye prézidénti dimitriy médwédéw bilen ayrim uchriship, söhbet ötküzgen.

B b s ning xewiridin qarighanda, rusiye tashqi ishlar ministiri lawrofning ashkarilishiche, bush bilen médwédéw ikki döletning bezi ixtilaplarni dep özara zitliship qalmasliqi lazimliqini tekitligen hemde ortaq menpe'etliri mesiliside, jümlidin iran yadro krizisi mesilisi, somali déngiz qaraqchiliri mesilisi we bashqilarda hemkarlishishqa raziliq bildürüshken.
 
Amérika bilen rusiyining munasiwetliri yéqinqi bir yildin artuq waqittin buyan soghuqliship qalghan bolup, asasliqi amérikining sherqiy yawropada bashqurulidighan bombidin mudapi'e körüsh sistémisi ornitish pilani rusiyini xatirjemsizlendürgen we bu mesilidiki ixtilap ikki dölet munasiwetlirini soghuqlashturup qoyghan idi.

Médwédéw ötken heptide washin'gton'gha 20 dölet yighinigha kelgendimu mexsus rusiye - amérika munasiwetliride toxtilip, rusiye bilen amérika munasiwetlirining yaxshilinishini ümid qilidighanliqini, ixtilaplarni hel qilish mumkinlikini tekitligen idi.
 
Bu qétimqi asiya - tinch okyan rayoni iqtisadiy hemkarliq yighini amérika prézidénti bushning axirqi bir qétim chet'elge chiqip xelq'araliq yighinlargha qatnishishi bolup qélishi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet