Asiya - tinch okyan rayoni iqtisadiy hemkarliq teshkilatining yighini wladiwostokta échildi

Rusiyining xewerler agéntliqining yézishiche, yighin'gha rusiye prézidénti wladimir putin sahibxanliq qilip, nutuq sözlidi shuningdek yighin jeryanida wladimir putin bir qisim dölet rehberliri bilen ayrim - ayrim körüshüp, söhbet ötküzdi. Bularning ichide amérika dölet ishliri ministiri xlari klinton, xitay dölet re'isi xu jintaw qatarliqlar bar.

Bu qétimqi asiya - tinch okyan rayoni iqtisadiy hemkarliq yighinigha amérika prézidénti barak obam démokratlarning qurultiyi we saylam tüpeylidin qatnishalmay, uning ornigha xilari klinton xanim qatnashti.

Yighin jeryanida asiya - tinch okyan rayonining iqtisadiy tereqqiyati we hemkarliq mesililiri jümlidin rayonning siyasiy mesililirimu muhakime qilin'gha bolup, xilari klinton bilen rusiye tashqi ishlar ministiri sérgéy lawrof amérika bilen rusiyining antariktika boyiche ilmiy hemkarliqni kücheytish mémoramdumini imzalidi. Xilari klinton putin we lawrof bilen körüshkende rusiyini süriye mesiliside bdt we amérika bilen hemkarlishishqa chaqirdi.

Rusiye prézidénti putin yighinda qilghan sözide bu qétimqi yighinning néme üchün wladiwostokkqa orunlashturulgahnliqini chüshendürüp, rusiyining yiraq sherq rayonini tereqqi qildurush, asiya qisimi bilen yawropa qismini tutashturidighan qatnash alaqe qurulushini kücheytish hemde rusiyining asiya ellirige bolghan éskportini köpeytishni meqset qilidighanliqini körsetti. Yighinda rusiye bilen yaponiye, rusiye bilen xitay arisida bir qatar kélishimler imzalandi.