Атушта дохтурханида намаз оқушни чәкләш уқтуруши тарқитилған

“уйғур биз” тори бу һәқтә тәминлигән учурған қариғанда, мәзкур бәлгилимә “уйғур аптоном райониниң җәмийәт муқимлиқни универсал түзәш вә аманлиқ башқуруш бәлгилимиси” вә “аптоном районлуқ диний ишларни башқуруш низамнамиси” гә асасән чиқирилған.

Уқтурушта кимләрниң намаз оқушиға йол қоюлмайдиғанлиқи ениқ көрситилмигән болсиму, юқириқи “бәлгилимиләр” дин нәқил елип “аммиви сорунларда намаз оқуш чәклиниду, хилаплиқ қилғучилар җазаға тартилиду” дейилгән.

Радиомиз алдинқи күнидики хәвиридә поскам наһийисидә узун сақал қойған вә ромал артқан аялларни бекәткә киргүзмәслик бәлгилимисиниң һелиһәм иҗра қиливатқанлиқини хәвәр қилған иди.