Atush shehiride 11 neper Uyghur yash xitay dölet amanliqni qoghdash etriti teripidin tutqun qilin'ghan

Dunya Uyghur qurultiyi weqe yüz bérip etisi da'irilerning qizilsu oblastliq tenterbiye merkizide térrorluqqa qarshi manéwér élip barghanliqini eyiblep, bésim, qorqutush we tehdit sélish Uyghurlarning kündilik hayatining bir qisimi bolup qalghanliqini ilgiri sürdi.

Dunya Uyghur qurultiyining bu heqtiki xewiride tutqun qilin'ghan Uyghur yashlirining isim - familisi we yash qorami tilgha élinmighan. Lékin hazirche, radi'omizning atush hökümet da'irilirige téléfon qilip, da'irilerning bu weqege da'ir qarishini we tutqun qilin'ghanlargha da'ir tepsiliy ehwallarni éniqlash mumkinchiliki bolmidi.
 
Dunya Uyghur qurultiyi, teshwiqat wereqisi tarqitish weqesidin kéyin, da'irilerning atushtiki yéza, kent, mehelle we kocha - koylarda charlashni kücheytip, türmidin qoyup bérilgenler, hökümetke qarshi xahishi bar dep qaralghan diniy we siyasi qarishi küchlük Uyghurlarni teqip qilishni kücheytkenlikini bildürdi.