Amérika awam palata ezasi xitayning teywen boghuzidiki tehditige da'ir qanun teklip layihisi teyyarlidi

Amérika awam palata ezasi robért andériys tünügün xitayning teywen boghuzidiki bashqurulidighan bomba tehditige diqqet qilish mezmunidiki bir qanun layihisi teyyarlap, teywenning istiqbali xitayning tehditige uchrimasliqini, teywen mesilisi teywen xelqining raziliqi astida tinch hel qilinishi kéreklikini tekitligen.
Muxbirimiz erkin
2009-10-16
Share

Mezkur qanun layihiside, xitayning teywen boghuzigha orunlashturghan 1400 dane bashqurulidighan bombisigha jiddiy diqqet qilidighanliqini eskertip, teywen boghuzining qarshi qirghiqidiki bu qorallar teywen boghuzining bixeterliki we muqimliqigha jiddiy tehdit élip kélidighanliqini tekitligen. Shuning bilen birge amérika prézidéntining xitay rehberlirige bésim ishlitip, teywenni qoralliq ishghal qilish niyitidin waz kéchishke ündeshni telep qilghan.

Mezkur qanun layihiside yene, xitayning herbiy zamaniwélishish tereqqiyati teywen boghuzidiki kelgüsi ixtilaplarda teywen'ge bésim ishlitip, béyjing hökümitining telipini qobul qildurush, shuning bilen birge teywen boghuzida toqunush yüz berse amérikining teywen'ge yardem qilishigha tosalghu bolush we tehdit sélish rolini oynaydighanliqini ilgiri sürgen.

Gomindang partiyisi teywende hakimiyet üstige chiqqandin béri, xitay  -  teywen munasiwitide zor burulush weziyiti shekillen'gen bolsimu, lékin xitay hökümiti gézi kelse teywenni qoralliq ishghal qilish tehditidin waz kechmigen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.