Awstiraliye xitayni kishilik hoquqni yaxshilashqa chaqirdi

U, awstiraliye parlaméntidiki sözide 1989 ‏ - yili yüz bergen 4 ‏ - iyun "tyen'enmin weqesi" heqqide toxtilip, "4 - iyun weqesi" ning pütün dunyagha tesir qilghanliqini, jümlidin awstiraliyiliklerge tesir qilghanliqini tekitligen. Kewin rud awstiraliye parlaméntigha mundaq dégen": xitayning aldigha kishilik hoquqni özgertishni otturigha qoyimiz."

U awstiraliyining "4 - iyun weqesi" ge tutqan pozitsiyisini sherhilep, awstiraliye eyni chaghda bu weqege öz qarishini bildürgen. Bu wege ghezeplen'genlikini, kéyinki basturushlarni tenqid qilidighanliqini ipadiligen, dep tekitligen. Kewin rud yene awstiraliyining bu jehettiki meydanida özgirish bolmighanliqini bildürgen.

B b s ning bu heqtiki bir xewiride, awstiraliye öktichi partiye rehbiri térinbollning mundaq dégenlikini yazdi: " 4 ‏- iyun weqesi gerche xitaygha weqege qatnashqanlar ümid qilghan yéngi bir künni élip kélelmigen bolsimu, lékin awstiraliyini oyghitip, awstiraliyige, siyasi we puqralar hoquqidin behriman bolalmaydighan bir jem'iyettiki kishilerning bu hoquqtin behriman bolush arzusi barliqini uqturdi."