Uyghurlar düshenbe küni xitayning wéyanadiki bash elchixanisi aldida namayish qildi

Bu Uyghurlarning xitaygha qarshi awstriye paytexti wéyanada élip barghan tunji naraziliq namayishtur. Gerche mezkur namayish buningdin bir qanche kün burun xoten nawaghda yüz bergen xitay amanliq küchlirining qarshiliq körsetküchi Uyghurlargha oq chiqirip, 20 dek adem ölüsh weqesige naraziliq bildürüsh yüzisidin burun orunlashturulghan bolsimu, biraq namayishtin awwal qeshqer “ Yéngi bazar” da Uyghur qarshiliq körsitish küchlirining xitaylargha hujum qilish weqeliri yüz bergen idi.

Alahazel 20 nechche kishilik namayishchi amma “ Uyghurlargha démokratiye, kishilik hoquq” , “ Sherqiy türkistan xelqini qirghin qilish toxtitilsun” dégendek lozunkilarni kötürüp, xitaygha qarshi sho'arlarni towlidi.

Xitay hökümiti qeshqer “Yéngi bazar” da shenbe , yekshenbe künliridiki ikki qétimliq weqede Uyghur qarshiliq körsitish küchliridin 7 kishini öz ichige alghan 18 adem ölgenlikini élan qilghan idi.

Düshenbe küni Uyghur qarshiliq körsitish küchliridin yene ikki adem qeshqer sheher sirtidiki bir shalliqta xitay amanliq küchliri bilen toqunushup hayatidin ayrilghan.