Әрздар айгүл тохтиниң қамаққа елинғанлиқи илгири сүрүлмәктә

Бир ай бурун хитай сақчилири тәрипидин бейҗиңда әрз қиливатқан йеридин тутуп келингән айгүл тохтиниң 3 йиллиқ қамақ җазасиға һөкүм қилинғанлиқи илгири сүрүлмәктә.
Мухбиримиз җүмә
2012.10.03

Айгүл тохтини бир ай илгири бейҗиңдики мәркизий интизам тәкшүрүш комитети алдидин “топлишип қалаймиқанлиқ чиқириш җинайити” билән әйиблинип тутуп кетилгән.

Кейин айгүл тохти пәйзават наһийисидин әвәтилгән сақчи бәхтиярниң қолиға өткүзүп берилгән, бәхтияр айгүл тохти пәйзаватқа елип кәткән иди.

Айгүл тохти аилә тавабиатлириниң радиомизға билдүрүшичә, айгүл тохти тутуп кетилип аридин бир ай өткәндә бир хитай сақчиси уларға айгүл тохтиниң 3 йиллиқ кесилгәнликини уқтурған. Әмма, йәнә бир сақчи әгәр 20 миң йүән пул бәрсә айгүлни қоюп бәргүзидиғанлиқини ейтқан.

Һөкүмнамә техи уларниң қолиға йәткүзүлмигән болғачқа айгүл тохтиниң зади кесилгән-кесилмигәнлики, яки хитай сақчилириниң бу уйғур аилисини талан-тараҗ қилиш үчүн шундақ оюнни ойнап чиққанлиқи мәлум әмәс.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.