Amérikida yoluchilar ayropilanini partlitishqa urun'ghan négiriyilikning el - qa'ide teshkilatigha chétilghanliqi ilgiri sürülmekte

Melum bolushiche, négiriyilik umar faruq abdulmutallab, jüme küni chüshtin kéyin, amistérdamdin yolgha chiqip amérikining détroyt shehirige qarap yolgha chiqqan amérika gherbiy shimal awi'atsiye shirkiti yoluchilar ayropilanini partlitishqa urun'ghanliqi üchün qolgha chüshken idi.
Muxbirimiz jüme
2009.12.26

Xewerlerde körsitishiche, yoluchi abdulmutallab ayropilanni partlitish üchün élip chiqqan partlatquchi üsküne uning paqalchiqigha téngilghan bolup, ayropilan détroytqa texminen 20 minut qalghanda bu üsküne ot élip ketken.
 
BBC Da körsitishiche, abdulmutallabning paqalchiqi köyüp yarilan'ghandin bashqa, ayropilanda héchkim zexmige uchrimighan.

Shu ayropilandiki jespér isimlik yene bir yoluchi bashqa ayropilan xadimlirigha yardemliship abdulmutallabni kontrolluq astigha alghan.

Amérika aqsaray xadimlirining bildürüshiche, abdulmutallab özining yemen'ge jaylashqan el qa'ide ezaliri bilen munasiwiti barliqini ilgiri sürgen.

Melum bolushiche, bu yil 23 yashliq abdulmutallab esli négiriyining lagos shehiridin gollandiyining amistérdam shehirige kelgen we ayropilan almiship amérikining détroyt shehirige yolgha chiqqan.

Aqsaray xadimliri bu weqeni térrorluq hujumi dep atidi. Amérika prézidénti barak obama, amérika anaweten we dölet bixeterlik organlirining ayropilan yoluchiliri üstidiki bixeterlik tekshürüsh derijisini ashurushni telep qilghan.

Nöwette amérika, en'gliye, we gollandiye da'iriliri mezkur weqening yene yoshurun xaraktérlik xelq'araliq térrorluq hujumliri bilen chétishliq yaki emesliki we weqening kélip chiqish sewebliri üstide jiddiy tekshürüsh élip barmaqqa.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.