باغدادتا چوڭ پارتلاش بولدى

يەكشەنبە كۈنى ئىراق پايتەختى باغداد شەھىرىدە چوڭ پارتلاش ۋەقەسى يۈز بېرىپ، كۆپ ساندا ئادەم ئۆلگەن. بىرلەشمە ئاگېنتلىقىنىڭ خەۋەر قىلىشىچە، ئىككى ماشىنىغا قاچىلانغان بومبا باغداد شەھەر مەركىزىدىكى ھۆكۈمەت ۋە ئەدلىيە مىنىستىرلىكىنىڭ بىناسىدا يېنىدا پارتلىغان بولۇپ، 136 ئادەم ئۆلگەن ۋە 500 دىن ئارتۇق ئادەم يارىلانغان.
مۇخبىرىمىز ئۈمىدۋار
2009-10-25
Share

بىراق، ساقچىلار ۋەيران بولغان بىنا ئارىسىدىن جەسەتلەرنى ۋە يارىدارلارنى تارتىپ چىقىرىشنى داۋاملاشتۇرغان بولۇپ، ئۆلگەنلەرنىڭ سانىنىڭ بۇنىڭدىن كۆپ بولۇشى پەرەز قىلىنماقتا. ئەمما، ھازىرغا قەدەر بۇ ۋەقەنى كىملەرنىڭ سادىر قىلغانلىقى مەلۇم ئەمەس. بۇ پارتلاش ئەتىگەن سائەت 10 لاردا، يەنى ئىشقا چىقىش ۋاقىتلىرىدا يۈز بەرگەن ئىكەن.

باغداد شەھەر مەركىزىدە يۈز بەرگەن مەزكۇر پارتلاش يېقىنقى ۋاقىتلار ئىچىدىكى ئۆلگەن ئادەم سانى ئەڭ كۆپ، ئەڭ ئېغىر ۋەقە بولۇپ ھېسابلىنىدىكەن. ئەمما، ھازىرغىچە، ھېچ قانداق بىر تەشكىلات بۇ ۋەقەنى زىممىسىگە ئالمىغان.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت