Америкида бала чүшүрүш оператсийиси билән шуғулланған дохтур өлтүрүлди

Дохтур тиллир бу йил 67 яшқа киргән болуп, йәкшәнбә күни черкавдин қайтишида қәсткә учрап нәқ мәйданда өлгән.

Тиллерни өлтүргән қатил һазирға қәдәр техи тутулмиди. Вәқәгә шаһид болғучиларниң билдүрүшигә қариғанда, униңға оқ чиқарған ақ тәнлик бир әр киши икән, у көк рәңлик аптомобил билән қечип кәткән.

Америкида чиқидиған ахбарат вастилиридә көрситилишичә, тиллер буниңдин 13 йил бурунму, өзиниң шәхси амболаторийисидә бала чүшүрүшкә қарши кишиләрниң қәстигә учриған болсиму, җени аман қалған икән. Униң амбулаторийиси 1985 - йилида бала чүшүрүшкә қарши тәшкилатлар тәрипидин бомба қоюп партлитилған.

Дохтур терллир 20 һәптидин ашқан һамилиләрниму чүшүрүш оператсийиси қилип кәлгән болуп, теллирниң бу һәрикити бала чүшүрүшкә қарши тәшкилатлар тәрипидин қатиллиқ дәп әйиблинип кәлмәктә икән. Әмма бу қетим тиллерниң өлтүрүлүш вәқәсидин бу тәшкилатларму интайин чүчүгәнликини һәм ечинғанлиқини ипадиләшкән.

Пиланлиқ туғут сиясити йүргүзиливатқан хитайдиму һазирға қәдәр 20 һәптидин ашқан һамилиләрни мәҗбурий чүшүрүш оператсийиси давам қиливатқан болуп, уйғур елидә бу сиясәт техиму қаттиқ қоллуқ билән иҗра қилиниватқанлиқи мәлум шундақла у җайдиму мәзкур сиясәтләргә қарши һәрикәтләр йүз бәргән иди.

Илгири пиланлиқ туғут сияситини қоллап, мәсчитләрдә бурмилап тәшвиқ қилған һарунхан һаҗимниң йигирмә нәччә йеригә, бир қисим кишиләр тәрипидин пичақ тиқилған болсиму җени аман қалған, ақсуда пиланлиқ туғут ишханиси бир қисим уйғурлар тәрипидин партлитилған вәқәгә охшаш, пиланлиқ туғут сияситигә қарши вәқәләр давамлиқ йүз берип кәлди.

Адәттә қорсақта 20 һәптилик болған һамилиниң туғулғандин кейин һаят қелиш еһтималий интайин юқири болиду. Болупму медитсина тәрәққий қилған әлләрдә һаят қелиш нисбити техиму юқири.