Xitayda balilarni sétish qilmishining éghirlishiwatqanliqi ashkarilandi

Xitay hökümet metbu'atlirining 25 - dékabir seyshenbe künidiki xewerliridin melum bolushiche, yéqinda xitay saqchilirining xitaydiki yünnen, gu'angdung, sichüen, enxuy, fujyen qatarliq 9 ölkide élip barghan adem bédiklirige zerbe bérish herikitide, adem bédikliridin 355 neperni qolgha alghanliqi ashkarilan'ghan.

2012-12-25
Share


Xitayning shinxu'a agéntliqining xewer qilishiche, bu yil 9 - aydin 11 - aygha qeder dawamlashqan adem bédiklirige zerbe bérish herikitide sétiwétish üchün élip méngilghan 89 neper bala qutquzuwélin'ghan. Emma iz - déreksiz yütüp ketken köp sandiki balilarning dériki yenila élinmighan.

Xitay hökümet emeldarining bildürüshiche, xitayda 2009 - yildin bashlap adem bédiklirige zerbe bérish herikiti kücheytilgen bolsimu, emma sélinma az, paydisi köp dep qaralghan bu xil soda barghanche ewj alghan. Adem bédikliri teripidin sétiwétilgen balilarning zor köp qismi yéngi tughulghan bowaqlar bolup, adem bédikliri teripidin 30 ming som pulgha sétiwélin'ghan saghlam oghul bowaq, perzentsiz er - xotunlargha béqiwélish üchün 90 ming somluq yuqiri bahada sétip bérilidiken. Emma yéngi tughulghan bu bowaqlarning köpinchisi adem bédikliri arisida qoldin - qolgha ötüsh jeryanida béqimsiz qélip ölüp kétidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet