Amérika prézidénti obama asiya bashliqliri uchrishishida jenubiy déngizdiki arallar talash-tartishini tinch hel qilishni ümid qildi

Amérika prézidénti barak obama 20-noyabir küni kambodzhada échiliwatqan asiya döletliri bashliqliri uchrishishida söz qilip, rayondiki döletlerni jenubiy déngizdiki arallar talash-tartishini tinch yol bilen hel qilishqa chaqirdi.
Muxbirimiz méhriban
2012-11-20
Élxet
Pikir
Share
Print

B b s agéntliqining seyshenbe künidiki xewiridin melum bolushiche, amérika prézidénti barak obama yighin mezgilide yaponiye bash weziri yoshixiko noda we xitay bash ministiri wén jabawlar bilen ayrim-ayrim uchrashqan. Obama bu ikki dölet rehberliri bilen uchrashqinida asiya rayonining tinch weziyitige kapaletlik qilishni alahide tekitligen.

Xewerdin melum bolushiche, obama yaponiye bash weziri bilen körüshkinide xitay bilen yaponiye arisidiki talash-tartishqa seweb boluwatqan sinkako aralliri mesilisini tinch yol bilen hel qilishni tekitlep, ikki dölet otturisidiki jiddiy weziyetni peseytishke chaqirghan. Obama 20-noyabir küni amérikigha qaytish sepiridin ilgiri xitay bash ministiri wén jabaw bilen körüshkende, amérika bilen xitay otturisidiki soda hemkarliqini kücheytishni tekitlesh bilen bille, xitayni jenubiy déngizdiki arallar mesilisini rayondiki herqaysi döletler bilen ortaq muzakire qilish arqiliq hel qilishqa chaqirghan.

Toluq bet