B d t kambodzhani eyiblep bayanat élan qildi

Bügün b d t insan heqliri komitéti bu heqte bayanat élan qilip, kambodzha hökümitini xelqara kélishimlerde bergen wedisige nomussizlarche xilapliq qildi" dep eyiblidi.

Bayanatta, "xitay 5 ‏- iyul délolirini adaletsiz bir terep qiliwatqan, mehkumlargha ölüm jazasi bériwatqan bir peytte Uyghur muhajirlarning xitaygha qayturulushi, ularning hayatiy bixeterlikini éghir tehdit astigha itterdi" dep körsitildi.

Bayanattin melum bolushiche, b d t insan heqliri aliy komitétining mutexessisi manfred nowak weqe yüz bérishtin awwal, kambodzha hökümitige xelqara kélimshimlerdiki mejburiyitini untumasliqqa chaqirghan.

Bayanatta yene, xitay hökümiti qayturulghan Uyghurlargha insaniy mu'amile qilishqa, eger ular jawabkar dep békitilse, sot jeryanini xelqara ölchemler boyiche élip bérishqa chaqirilghan.

Bügün yene, b d t ning az sanliq milletler mesilisi boyiche mutexessisi, ms. Gay mkdo'ugall mu bayanat élan qilip, xitay hökümitini Uyghur rayonidiki milliy weziyetni közitish üchün musteqil tekshürüsh guruppisining pa'aliyitige eng qisqa waqit ichide yol qoyushqa chaqirghan.