ب د ت پەن- مائارىپ كومىتېتى پەلەستىننى ئەزالىققا قوبۇل قىلدى

ب د ت پەن-مائارىپ كومىتېتى بۈگۈن پارىژدا يىغىن ئۆتكۈزۈپ، پەلەستىننى رەسمىي ئەزالىققا قوبۇل قىلىش-قىلماسلىق ھەققىدە بىلەت تاشلىدى. يىغىندا 14 كە قارشى 107 ئاۋاز بىلەن پەلەستىن مەزكۇر كومىتېتقا ئەزالىققا قوبۇل قىلىندى. بۇ تۇنجى قېتىم ب د ت قارمىقىدىكى بىر ئورگاننىڭ پەلەستىننى مۇستەقىل بىر دۆلەت سۈپىتىدە ئەزالىققا قوبۇل قىلىشىدۇر.
مۇخبىرىمىز شۆھرەت ھوشۇر
2011-10-31
Share

ئامېرىكا ئاۋازىنىڭ بۇ ھەقتىكى خەۋىرىدە بىلدۈرۈشىچە، يىغىندا فرانسىيە، ئەرەب دۆلەتلىرى، لاتىن ئامېرىكا ۋە ئاسىيا دۆلەتلىرى بولۇپ جەمئىي 107 دۆلەت پەلەستىننىڭ ئەزالىقىنى قوللاپ ئاۋاز بەرگەن؛ ئامېرىكا، ئىسرائىلىيە، گېرمانىيە، كانادا قاتارلىق 14 دۆلەت رەت ئاۋاز بەرگەن.

ئەنگلىيە ۋە ياپونىيە قاتارلىق 52 دۆلەت ئاۋاز بېرىش ھوقۇقىدىن ۋاز كەچكەن. قائىدە بويىچە، رەسمىي ئەزالىققا قوبۇل قىلىنىش ئۈچۈن، ب د ت دىكى 193 ئەزانىڭ 3/2قىسمى قوشۇلۇشى كېرەك.

نەتىجىدە پەلەستىن قانۇنىي جەھەتتىن رەسمىي ئەزالىققا قوبۇل قىلىنغان بولسىمۇ، بۇنىڭ ب د ت نىڭ مەزكۇر كومىتېتىنىڭ مەۋجۇتلۇقىغا تەھدىت شەكىللەندۈرگەنلىكى ئىلگىرى سۈرۈلمەكتە. چۈنكى، نۆۋەتتە مەزكۇر كومىتېتنىڭ يىللىق خىراجىتىنىڭ 22%ni ئامېرىكا ئۈستىگە ئالغان. ئامېرىكىنىڭ ئالاقىدار قانۇنلىرىدا، پەلەستىننى مۇستەقىل دۆلەت سۈپىتىدە قوبۇل قىلغان بىر ئورگانغا دۆلەت خەزىنىسىدىن پۇل ئاجراتماسلىق بېكىتىلگەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت