Б д т кишилик һоқуқ комитети сүрийини кишилик һоқуқ дәпсәндичилики билән әйиблиди

Бирләшкән дөләтләр тәшкилати кишилик һоқуқ комитети 28-феврал сәйшәнбә күни йиғин ечип, бәшар әсад һөкүмитини сүрийә хәлқиниң кишилик һоқуқини дәпсәндә қиливатқанлиқи, сүрийидики охшимиған идийидики сиясий паалийәтчиләрни тутқун қилип, аһалиләр районида еғир типтики қоралларни ишлитиватқанлиқи қатарлиқ мәсилиләрдә әйиблиди.
Мухбиримиз меһрибан
2012.02.28
Share on WhatsApp
Share on WhatsApp

Америка авазиниң бу һәқтики хәвиридә дейилишичә, б д т кишилик һоқуқ комитети йәнә сүрийә һөкүмәт даирилиридин, уруш давамлишиватқан районларға ашлиқ, йемәк ичмәк, йеқилғу һәм башқа күндилик турмуш буюмлирини йәткүзүп беришқа рухсәт қилишни тәләп қилған.

Мәлум болушичә бүгүнки йиғин, қатар, сәуди әрәбистан, кувәйт, түркийә қатарлиқ дөләтләрниң тәшәббуси билән ечилған. Хәлқара қизил крест җәмийити бирнәччә күндин буян сүрийидики бәшар асад һөкүмити һәм сүрийидики өктичи тәрәп билән сүрийидики уруш давамлишиватқан районларға инсанпәрвәрлик ярдәм бериш йолини ечиш һәққидә сөһбәтни давамлаштуруватқан иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.