Б д т, хитайда аз санлиқ милләтләрниң кәмситишкә учраватқанлиқини көрсәтти

Дүшәнбә күни хитай һөкүмити бирләшкән дөләтләр тәшкилатида, уйғур ели вә тибәтләрдики миллий сиясити, мәзкур милләтләргә қаритилған миллий кәмситиш хаһишлири һәққидә күчлүк соалларға дуч кәлди.
Мухбиримиз җүмә
2009.08.10

Бу нөвәтлик тәкшүрүш, җәнвә шәһиригә җайлашқан бирләшкән дөләтләр тәшкилати миллий кәмситишкә қарши туруш комитети тәрипидин тәшкилләнгән.

10 - Авғуст, мәзкур комитетниң 18 нәпәр мутәхәссистин тәшкилләнгән мустәқил тәкшүрүш комитети, хитайдин бирләшкән дөләтләр тәшкилати "һәр хил шәкилдики миллий кәмситишни йоқитиш хәлқаралиқ келишими" дә бәлгиләнгән мәҗбурийәтлирини ада қилиш дәриҗиси үстидә соалларни сориди.

Хитай һөкүмити вәкиллири, хитай қанунида миллий кәмситишкә йол қоюлмайдиғанлиқини көрситип, мутәхәссисләрниң соаллиридин өзини қачурушқа урунди.

Һалбуки мутәхәссисләр комитети, хәлқара кишилик һоқуқ тәшкилатлири вә кишилик һоқуқ паалийәтчилириниң доклатлиридин нәқил елип , хитайда аз санлиқ милләтләрниң системилиқ һалда кәмситишкә учрайдиғанлиқини көрсәтти.

Мәлум болушичә, мәзкур комитет бу нөвәтлик тәкшүрүштә байқалған һасилатларни 28 - авғуст елан қилидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.