Хитай 60 йиллиқини тәбрикләш үчүн бейҗиңда һәрби һаләт йүргүзди

Бирләшмә агентлиқиниң бейҗиңдин баян қилишичә, хитай дөләт қурғанлиқиниң 60 йиллиқини тәбрикләш үчүн, 8 ‏ - айниң 28 ‏ - күни кечидә, бейҗиңда 200 миң кишилик тәбрик мәшиқи өткүзди. Бу тәбрик мәшиқидә йәнә 60 данә безәлгән аптомобил рол алди. Бу мәшиқ бүгүн әтигәндә йәнә бир қетим тәкрарланди.
Мухбиримиз вәли
2009-08-30
Share

Хитай һөкүмити бу мәшқ үчүн тйәнәнмен мәйдани әтрапида һәрби һаләт йүргүзди, қатнашни чәклиди. Хәлқниң бу мәшқни көрүшини яки тәбрик көрүнүшлиридин рәсим тартишиниму чәклиди.

Б б с ниң баян қилишичә, хитай һөкүмити бу 60 йиллиқ тәбрик паалийитини, мушу бирнәччә йилдин буян хитайниң иқтисадий төвәнләватқан, җайларда еғир вәқәләр йүз бериватқан вәзийәттә, өзи дуняға баш көтүрүп чиқидиған вә һәйвә билән хәлқни тинҗитидиған бирдинбир чоң пурсәт дәп қараватиду.

Буниң үчүн тәбрик паалийитигә қатнаштурулидиған кишиләрниң һәммисини қаттиқ сиясий тәкшүрүштин өткүзүп, уларға алаһидә кимлик бәлгиси тақап мәшқ қилдуруватиду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт