Берма президенти, хитай башлиған су електр истансиси қурулушини тохтитишқа қарар бәрди
2011.09.30
Бүгүн берма президенти бу һәқтә баянат елан қилип, мәзкур қурулушни тохтидиғанлиқини уқтурди вә буниң сәвәбини хәлқниң ирадиси бойичә иш қилиш дәп чүшәндүрди.
Мәзкур қурулуш башланғандин буян нәччә йүзлигән йәрлик аһалиләр өй макан вә терилғу йәрлиридин айрилип қалған. Униң үстигә муһит асриш актиплириму мәзкур қурулушниң районниң екологийилик тәңпуңлуқини бузидиғанлиқини илгири сүргән; буниң билән мәзкур қурулушни тохтитиш һәққидә мәхсус бир аммиви тәшкилат қурулуп, өткән айда ахбарат елан қилиш вә намайиш өткүзүш қатарлиқ шәкилләрдә рәсмий һәрикәт башлиған иди.
Бу һәрикәткә йетәкчилик қилған бир журналист бүгүн һөкүмәтниң мәзкур қарариға миннәтдарлиқ билдүрүп, “бу бермида 50йилдин бери тунҗи қетим һөкүмәтниң хәлқниң авазиға қулақ селиши” дегән.
Нөвәттә берма һөкүмитиниң бу қарариниң хитай һөкүмитидә қандақ инкас пәйда қилидиғанлиқи диққәт билән көзитилмәктә. Бүгүн бу һәқтә соалға дуч кәлгән хитай ташқи ишлар баянатчиси өзиниң мәзкур қарардин хәвәрсиз икәнликини билдүргән.
Көп көрүлгән хәвәрләр
RFA
- Режиссор икрам нурмәмәт террорлуқ билән әйиблинип 6 йерим йиллиқ кесиветилгән
- Мәһмуд қәшқәри вә һүсәйин тәҗәлли һәйкилиниң чеқиветилгәнлики дәлилләнди
- Шинҗаң университетниң йүз йиллиқида немә үчүн мәктәпни “қизил избасарларни тәрбийәләш мәркизи” гә айландуруш тәкитләнди?
- Уйғурлар дуч кәлгән ирқий қирғинчилиққа аит йеңи китаб түркийәдә тарқитилишқа башлиди
- “хитай гулагидин һаят қелиш” намлиқ китаб “алдинқи фронт әдәбияти мукапати” ға еришти