Bérma prézidénti, xitay bashlighan su éléktr istansisi qurulushini toxtitishqa qarar berdi

Xitayning dölet igilikidiki bir shirkiti birqanche ayning aldida bérmida su éléktr istansisi qurulushi bashlighan we bu qurulush yerlik ahalilerning we kishilik hoquq pa'aliyetchilirining naraziliqigha uchrighan idi.
Muxbirimiz shöhret hoshur
2011-09-30
Élxet
Pikir
Share
Print

Bügün bérma prézidénti bu heqte bayanat élan qilip, mezkur qurulushni toxtidighanliqini uqturdi we buning sewebini xelqning iradisi boyiche ish qilish dep chüshendürdi.

Mezkur qurulush bashlan'ghandin buyan nechche yüzligen yerlik ahaliler öy makan we térilghu yerliridin ayrilip qalghan. Uning üstige muhit asrish aktiplirimu mezkur qurulushning rayonning ékologiyilik tengpungluqini buzidighanliqini ilgiri sürgen؛ buning bilen mezkur qurulushni toxtitish heqqide mexsus bir ammiwi teshkilat qurulup, ötken ayda axbarat élan qilish we namayish ötküzüsh qatarliq shekillerde resmiy heriket bashlighan idi.

Bu heriketke yétekchilik qilghan bir zhurnalist bügün hökümetning mezkur qararigha minnetdarliq bildürüp, "Bu bérmida 50yildin béri tunji qétim hökümetning xelqning awazigha qulaq sélishi" dégen.

Nöwette bérma hökümitining bu qararining xitay hökümitide qandaq inkas peyda qilidighanliqi diqqet bilen közitilmekte. Bügün bu heqte so'algha duch kelgen xitay tashqi ishlar bayanatchisi özining mezkur qarardin xewersiz ikenlikini bildürgen.

Toluq bet