Берма қачақлири юртлириға қайтишқа башлиди

Берминиң когаң районидики қораллиқ тоқунуш бесиққандин кейин, хитайға қечип кәлгән 30 миңдин артуқ мусапир юртлириға қайтишқа башлиған. Хитай даирилири, берма қачақлири үчүн қурған мусапирлар лагерини тақашқа киришкән.
Мухбиримиз җүмә
2009-09-02
Share

Австралиян гезитидә көрситилишичә, бермидики юртлириға қайтишқа башлиған мусапирлар йәнила әндишә ичидә икән. Нюйорк вақит гезитидә хәвәр қилинишичә, йәнә миңлиған бермилиқ мусапир юртлириға қайтишни рәт қилған яки қайтип кетишкә қурби йәтмәйдикән. Һалбуки, хитай һөкүмити бу һәқтики хәвәрлирини қамал қилған болуп, нөвәттә мәзкур мусапирларниң инсаний ярдәм мураҗиитигә қандақ инкас қайтурғанлиқи мәлум әмәс.

Өткән һәптә берминиң хитай чегрисиға йеқин райони когаң районида һөкүмәт армийиси билән йәрлик қисимлар арисида уруш партлиған. Нәтиҗидә, уруш паракәндичиликидин қорққан 37 миң мусапир хитайниң йүннән өлкисигә қечип кәлгән иди.

Мәлум болушичә, когаң райони нопусиниң 90 пирсәнтини йәрлик хитайлар тәшкил қилидикән. Бу нөвәт когаң районидин қечип кәлгәнләр арисида мәзкур районда сода қиливатқан хитай пуқралириму бар икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт