Bérma 2000 din artuq kishini qara tizimliktin öchürgenlikini jakarlidi

Bügün bérma hökümiti bérmigha kirishi cheklen'gen 2082 kishining qara tizimliktin öchürülgenlikini jakarlidi. Bu, siyasiy tüzülmisini yumshitishqa qarap mangghan bérma hökümiti tashlighan yene bir islahat qedimi bolup hésablinidu.

2012-08-30
Share

Igilinishiche, qara tizimliktin öchürülgen kishilerning ichide tonulghan siyasetchiler, kishilik hoquq aktipliri, chet'ellik tetqiqatchi, proféssorlar, yazghuchilar, muxbirlar bar bolup, tizimlikte yene, sabiq amérika dölet ishliri ministiri madélyin albrayit xanim, dangliq bérmiliq öktichi angsang suchining oghli we shundaqla filippin prézidénti korazon we amérikiliq naxshichi soniy bonogha oxshash tonulghan isimlarmu bar.

Bérma prézidénti resmiy tor bétide élan qilin'ghan mezkur uqturushta, chet'ellerde sürgünde yashawatqan bérmiliqlarning qaytip kélishige ruxset qilinidighanliqi bildürülgen. Bérma hökümitining bu qarari közetküchilerni heyran qaldurghan yene bir qedem boldi. Chünki, bérma hökümiti yéqindin buyan tüzümide özgirishlerni élip bérip, namayish qilishni qanunlashturghan, axbarat sahesidiki kontrolni azaytqan we bir qisim siyasiy mehbuslarni türmidin azad qilghan idi.

Bérma hökümitining bu ijabiy yönilishi gherb démokratik ellirining qarshi élishigha érishmekte. Amérika bundin awwal, bérma eger mushundaq démokratiyilishishke qarap mangsa, amérikining bérmini her jehettin qollashqa teyyarliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet