Xitay bérma armiyisining xitay puqrasini étip öltürgenlikige naraziliq bildürdi

Metbu'at xewerliridin melum bolushiche, bu yil 12-yanwar küni ikki neper bérma eskiri xitayning yünnen ölkisining bérma bilen chégridash déxung oblastigha kirip, bir neper xitay puqrasini étip öltürgen. Weqedin kéyin xitay terep bérma hökümitige naraziliq bildürüp, étip öltürülgen xitay puqrasi üchün tölem töleshni telep qilghan. Bérma terep weqeni qayta tekshüridighanliqini bildürgen bolsimu, emma bérma eskerliri teripidin étip öltürülgen xitay puqrasi üchün tölem tölesh ishi téxi emeliyleshmigen.

Xitay weziyitini közetküchilerning qarishiche, bultur bérma hökümiti zor türkümdiki siyasiy mehbuslarni qoyup bérip, bérmida gherb démokratiyisini modél qilghan birqeder keng siyaset yürgüzüshke bashlighan. Shundin buyan bérma bilen xitay otturisida yéqinqi yillarda barliqqa kelgen qoyuq munasiwet yiraqlishishqa yüzlinip, xitay bilen bérma otturisidiki chégra ixtilapliri qaytidin köpiyishke bashlighan.