Bérmodadiki Uyghurlar xizmet almashturidiken

Güentanamo türmisidin qoyup bérilgendin kéyin aral dölet bérmudagha orunlashturulghan 4 Uyghur yéngi xizmetke orunlishidiken. Birleshme agéntliqining xewer qilishiche, ular aldinqi yili bérmudagha kéler - kelmeyla hökümetke qarashliq bolghan bir golf topi meydanida ishqa orunlashturulghan idi.
Muxbirimiz irade
2010.10.14

Igilinishiche, bezi iqtisadiy sewebler tüpeylidin ular golf meydanidiki ishidin bu yil öktebirning axirida ayrilidiken. Emma ular alliqachan yéngi ish teklipi tapshurup alghan bolup, ularning yéngi ish orni hazirche ashkarilanmighan.

Xewerdin melum bolushiche, bérmudagha orunlashturulghan 4 neper Uyghurning ehwali yaxshi bolup, ular hazir bérmodadiki musulman jama'iti ichide aktip rol oynimaqta iken. Ular peqet a'ilisini körelmigenlikidin köngli yérim bolghanliqini hésabqa almighanda hazirqi turmushidin memnun iken.

Abdulla abduqadir, xélil mamut؛ ablikim turaxun we salahidin ablehet isimlik töt neper Uyghur 2009 - yili 6 - ayning 11 - küni güentanamodin azad qilinip, shu küni etigende bérmudagha yétip kelgen. U mezgilde ularning sergüzeshtiliri we bundin kéyinki turmushi xelq'ara metbu'atlarning qizziq nuqtisigha aylan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.