Xitay 12-5 yilliq pilanda Uyghur élide muqim mülükke 3 térli'on 6 milyard yüen meblegh salmaqchi iken

Xitay axbarat wasitilirining ashkarilishiche, xitay da'irilirining 12-5 yilliq pilan mezgilde Uyghur élide muqim mülükke salidighan meblighining özila 3 térli'on 600 milyard yüen.

Bu Uyghur aptonom rayonining 2010-yildiki ichki ishlepchiqirish omumi daramitining az kem 3 den 2 qismigha teng kélidu.

Uyghur aptonom rayonining 2010-yildiki ichki ishlepchiqirish omumi daramiti 5 térli'on yüen etrapida dep élan qilin'ghan.

“Xelq'ara tor” qatarliq xitay axbarat wasitilirining bu heqtiki xewerliride mezkur mebleghning su-insha'at, tash yol qurulushi, yéngi ahaliler olturaq nuqtiliri qurulushi qatarliq asasi eslihelerge sélinidighanliqi ilgiri sürülgen.

Xewerde, bu “2010-Yili merkez yolgha qoyghan shinjangning halqima tereqqiyatini algha sürüp, uzun muddetlik emlinlikni ishqa ashurush toghrisidiki istratégiyilik orunlashturush” ning bir qismi ikenliki tekitlen'gen.

Bu xitayning 11-5 yilliq pilan mezgilide Uyghur élide muqim mülükke salghan meblighidin 3 hesse köp bolup, aptonom rayonning re'isi nur bekri buning her jehettin “Misli körülüp baqmighanliqi” ni ilgiri sürgen.

Xewerlerdin melum bolushiche, muqim mülükke sélinidighan yuqiriqi mebleghning 620 milyard yüeni 12-5 yilliq pilanning deslepki yilida serp qilinidiken.

Közetküchiler bolsa bundaq zor kölemlik meblegh xitay köchmenlirini Uyghur iligha ilgirilep jelp qilip, Uyghurlarning ijtima'i-siyasi, medeniyet, nopus we turmush usuligha kéliwatqan buzghunchiliqni éghirlashturupla qalmay, xiyanetchilik, pul paxalliqi, muhit weyranchiliqini éghirlashturuwétidighanliqini agahlandurdi.