Бейҗиңдики әрздарлар плакат көтүрүп һилларий клинтонни қарши алидиғанлиқини билдүрди

Хитайниң бошүн, йеңи ира қатарлиқ тор бекәтлиридә бүгүн елан қилинған хәвәрдә, хитай танка әтрити институтидики танка алдида топлинип, “һилларий биз сени сөйимиз” дегән пилакатни көтүрүп, америка ташқи ишлар министири һилларий килинтон ханимни қарши алидиғанлиқини билдүргән әрздарларниң сүрити бесилди.
Мухбиримиз ирадә
2012.09.04

Бошүн тор гезити мухбириниң зияритини қобул қилған әрздарлар, өзлириниң давамлиқ түрдә һөкүмәт даирилириниң бастурушиға учрап келиватқанлиқини баян қилип, һилларий килинтон ханимниң бу қетимқи хитай сәпиридә хитайда барғанчә начарлишиватқан кишилик һоқуқ мәсилисини оттуриға қоюшини үмид қилидиғанлиқини билдүргән.

Радиомиз игилигән башқа учурлардин мәлум болушичә, түнүгүн йәнә бейҗиңдики әрздарлардин 5000 дәк киши хитай мәркизи әрзийәт идариси алдиға топлинип, мәсилилирини һәл қилишни һәм хитайда барғанчә яманлишиватқан пуқралар кишилик һоқуқ вәзийитини яхшилашни тәләп қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.