Бейҗиңда мәһмут қәшқәри һәққидә муһакимә йиғини ечилиш алдида

Игилишимизчә,24 ноябирдин 26 - ноябирғичә хитай пайтәхти бейҗиңдики мәркизий милләтләр университетиниң уйғур тил - әдәбият факултети билән түркийә дөләтлик түрк тили комитети бирликтә мәһмут қәшқириниң туғулғанлиқиниң 1000 йиллиқиға беғишлиған илмий муһакимә йиғини чақиришни пиланлиған.

2008.11.23

Бу муһакимә йиғини хитай, түркийә қатарлиқ әлләрниң мутәхәссислири иштирак қилип, өзлириниң мәһмут қәшқириниң түркий тиллар дивани вә түркий тилларға аит илмий доклатлирини оқуп өтиду.

Бу б д т пән - маарип оргини тәрипидин 2008 - йилини мәһмут қәшқәри йили қилип бекитилиштин буянқи бир йил ичидә хитай хәлқ җумһурийити тәвәсидә өткүзүлгән тунҗи паалийәт болуп һесаблиниду .

 Буниң алдида түркийә алий мәктәплири, түркийә һөкүмити, әзәрбәйҗан, түркмәнистан, қирғизистан қатарлиқ әлләрдә мәһмут қәшқиригә беғишланған түрлүк илмий муһакимә вә хатириләш паалийәтлири өткүзүлгән болуп, үрүмчидики уйғур зиялийлири тор бәтләргә хәт йезиш вә пикир қилиш усули билән, һөкүмәтниң немә үчүн мәһмут қәшқирини хатириләш паалийити өткүзмигәнликигә болған инкаслирини билдүрүшкән иди.

Б д т ниң мәһмут қәшқирини 2008 - йиллиқ хатириләш тизимликигә киргүзүштә түркийә һөкүмити актип рол ойниған.10 - Айда түркийидә өткүзүлгән хәлқаралиқ йиғинда түркийә дөләт рәһбәрлири иштирак қилип сөз қилған болуп, һазирчә бейҗиң милләтләр университетиниң уйғур тил - әдәбият факултети өткүзгән көлими вә дәриҗиси адәттикидәк бу йиғинда хитай дөләт рәһбәрлиридин вәкил келидиған яки кәлмәйдиғанлиқи намәлум икән.

Йиғинда пәқәт милләтләр университетиниң мудириниң шуниңдәк түркийиниң хитайдики баш әлчисиниң келип, ечилиш сөзи сөзләйдиғанлиқи мәлум. Бу йиғин 24 - ноябир күни әтигән саәт 9 да башлиниш алдида турмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.