Béyjingda mehmut qeshqeri heqqide muhakime yighini échilish aldida

Igilishimizche,24 noyabirdin 26 - noyabirghiche xitay paytexti béyjingdiki merkiziy milletler uniwérsitétining Uyghur til - edebiyat fakultéti bilen türkiye döletlik türk tili komitéti birlikte mehmut qeshqirining tughulghanliqining 1000 yilliqigha béghishlighan ilmiy muhakime yighini chaqirishni pilanlighan.

2008.11.23

Bu muhakime yighini xitay, türkiye qatarliq ellerning mutexessisliri ishtirak qilip, özlirining mehmut qeshqirining türkiy tillar diwani we türkiy tillargha a'it ilmiy doklatlirini oqup ötidu.

Bu b d t pen - ma'arip orgini teripidin 2008 - yilini mehmut qeshqeri yili qilip békitilishtin buyanqi bir yil ichide xitay xelq jumhuriyiti teweside ötküzülgen tunji pa'aliyet bolup hésablinidu .

 Buning aldida türkiye aliy mektepliri, türkiye hökümiti, ezerbeyjan, türkmenistan, qirghizistan qatarliq ellerde mehmut qeshqirige béghishlan'ghan türlük ilmiy muhakime we xatirilesh pa'aliyetliri ötküzülgen bolup, ürümchidiki Uyghur ziyaliyliri tor betlerge xet yézish we pikir qilish usuli bilen, hökümetning néme üchün mehmut qeshqirini xatirilesh pa'aliyiti ötküzmigenlikige bolghan inkaslirini bildürüshken idi.

B d t ning mehmut qeshqirini 2008 - yilliq xatirilesh tizimlikige kirgüzüshte türkiye hökümiti aktip rol oynighan.10 - Ayda türkiyide ötküzülgen xelq'araliq yighinda türkiye dölet rehberliri ishtirak qilip söz qilghan bolup, hazirche béyjing milletler uniwérsitétining Uyghur til - edebiyat fakultéti ötküzgen kölimi we derijisi adettikidek bu yighinda xitay dölet rehberliridin wekil kélidighan yaki kelmeydighanliqi namelum iken.

Yighinda peqet milletler uniwérsitétining mudirining shuningdek türkiyining xitaydiki bash elchisining kélip, échilish sözi sözleydighanliqi melum. Bu yighin 24 - noyabir küni etigen sa'et 9 da bashlinish aldida turmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.