Бейҗиңда шәнбә күни бир франсийилик аял пичақ тиқип яриландурулди

Бейҗиңдә бүгүн (шәнбә күни) йәнә пичақ тиқиш вәқәси йүз берип, вәқәдә бир нәпәр франсийилик аял саяһәтчи яриланди. Бирләшмә агентлиқиниң баян қилишичә, бүгүн әтигән саәт 11 ләрдә, бейҗиңдики тйәнәнмен мәйданиға йеқин җайдики дасалән дегән мәшһур базарда, сақчилар франсийилик бир аял саяһәтчини пичақ тиқип яриландурған җаңшиниң нәнчаң шәһиридин кәлгән 41 яшлиқ әрни қолға алди.
Мухбиримиз вәли
2009.09.19

Шинхуа агентлиқи бу вәқә тоғрисида бәргән хәвәрдә, қатилниң яки яриландурулған франсийилик аялниң кимликини вә әһвалини тәпсили баян қилмиди.

Буниңдин икки күн бурун (пәйшәнбә күни), җилин өлкисидин кәлгән бир әр мушу базарда күп адәмгә пичақ тиқип, икки адәмни өлтүрүп, 14 адәмни яриландурған иди. Әртиси бейҗиң сақчи даирилири, қатилни пәқәт 'һарақ ичип мәс болуп қатиллиқ қилған' дәпла тәсвирлиди.

Шинхуа агентлиқиму, бу вәқәни хәвәр қилғанда пәқәт, яриланған 14 адәмниң дохторханида давалиниватқанлиқини, уларниң һаяти хәтәр астида әмәсликинила гәвдиләндүргән иди.

Б б с ниң баян қилишичә, бейҗиңдә пичақ тиқиш вәқәси уда йүз бәргәндин кейин, бейҗиң даирилири бүгүндин башлап чәттин киргүзгән X нури билән чарлайдиған илғар сайманлирини ишлитип, бейҗиңдики 10 чоң бағчида бихәтәрлик тәкшүрүшни йолға қойди, бәзи чоң кочиларда учриғанла адәмни тәкшүрүшкә башлиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.