Бейҗиңда намайишчилар йәнә қолға елинди

Бейҗиңдики кишилик һоқуқ паалийәтчиси җу линиң мәтбуатларға ашкарилишичә, сақчи даирилири мәзкүр намайиш түпәйли қатнашни пүтүнләй қамал қилған шуниңдәк намайишчилардин хели көп кишини қолға алған.

Шу күни бейҗиң шәһәрлик һөкүмәт бинаси алдиға йиғилған кишиләр, йерим йил илгири мәркизи телевизийә идариси елан бөлүминиң кишиләрни орман бина қилиш қурулушиға мәбләғ селишқа қизиқтуруш арқилиқ, һәр бир адәмдин нәччә миң йүән пулни алдап еливалғанлиқи түпәйли намайиш өткүзгән. Бирақ, һөкүмәтниң әһвални тоғра бир тәрәп қилидиғанлиқиға ишәнч бағлиған намайишчиларниң хели көп қисми сақчилар тәрипидин тутуп кетилгән.

Бу қетим йүз бәргән намайиш билән бир вақитта, хитай ташқи ишлар министирлиқи вә әдлийә министирлиқи алдида, өй - маканлиридин мәҗбурий көчүрүлгән амма намайиш өткүзүп, қатнашни қамал қиливалған кейин,сақчилар тәрипидин тарқитиветилгән.