Béyjingda namayishchilar yene qolgha élindi

Béyjingdiki kishilik hoquq pa'aliyetchisi ju lining metbu'atlargha ashkarilishiche, saqchi da'iriliri mezkür namayish tüpeyli qatnashni pütünley qamal qilghan shuningdek namayishchilardin xéli köp kishini qolgha alghan.

Shu küni béyjing sheherlik hökümet binasi aldigha yighilghan kishiler, yérim yil ilgiri merkizi téléwiziye idarisi élan bölümining kishilerni orman bina qilish qurulushigha meblegh sélishqa qiziqturush arqiliq, her bir ademdin nechche ming yüen pulni aldap éliwalghanliqi tüpeyli namayish ötküzgen. Biraq, hökümetning ehwalni toghra bir terep qilidighanliqigha ishench baghlighan namayishchilarning xéli köp qismi saqchilar teripidin tutup kétilgen.

Bu qétim yüz bergen namayish bilen bir waqitta, xitay tashqi ishlar ministirliqi we edliye ministirliqi aldida, öy - makanliridin mejburiy köchürülgen amma namayish ötküzüp, qatnashni qamal qiliwalghan kéyin,saqchilar teripidin tarqitiwétilgen.