Сабиқ президент бил клинтон пйоңяңни зиярәт қилди

Америкиниң алдинқи нөвәтлик президенти клинтон 4 - авғуст күни шималий корийә пайтәхти пйоңяңға йетип кәлди. Шималий корийә мәркизи агентлиқиниң хәвиригә қариғанда, келинтон пйоңяңда шималий корийә парламент әмәлдарлириниң һәмдә ядро мәсилиси сөһбәт вәкиллириниң қарши елишиға еришкән. Шундақла шималий корийә рәһбири ким җоңил билән көрүшкән.
Мухбиримиз гүлчеһрә
2009.08.04

Франсийә агентлиқиниң көрситишичә, келинтонниң бу зиярити илгири шималий корийидә қолға елинған икки нәпәр америкилиқ аял мухбирниң қоюп берилиши мәсилиси үстидә шималий корийә рәһбәрлири билән сөзлишишни мәқсәт қилған икән.

Б б с ниң хәвәр қилишичә, ким җуңил килинтон билән сөһбәтләшкәндин кейин амеркилиқ икки нәпәр мухбирни қойиветиш буйруқи бәргән. Бу йил 3 - айда шималий корийә даирилири америка мухбирлиридин лора лиң, иунна лиң ни чегридин қанунсиз кириш җинайити билән хитай шималий корийә чегрисида қолға алған һәмдә уларни 6 айда 12 йиллиқ қамақ җазасиға һөкүм қилған иди.

Шималий корийиниң бәзи ахбаратлири, бил килинтонниң шималий корийигә қаратқан бу туюқсиз зияритиниң, америка президенти барак обаманиң орунлаштуруши билән болғанлиқини илгири сүргән болсиму, әмма ақсарай баянатчиси бүгүн, мәзкур қарашни инкар қилип, сабиқ президент бел килинтонниң шималий корийә қаратқан зияритиниң пүтүнләй шәхси зиярәт икәнликини билдүрди.

Бил килинтонниң бу зиярити 1994 - йили шималий корийини зиярәт қилған америка сабиқ президенти картердин кейин иккинчи бир сабиқ президентниң шималий корийини зиярәт қилиши болуп һесаблиниду.
 
Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.