Hillariy kilinton bérmigha qaritilghan bezi jaza tedbirlirining emeldin qaldurulidighanliqini jakarlidi

Amérika dölet ishliri ministiri hillariy kilinton bügün bérma hökümitining siyasiy islahatlirigha jawaben dunya bankisi qarmiqidiki xelq'ara tereqqiyat birlikining bérmida ishxana achidighanliqini we bérmigha elchi ewetidighanliqini élan qildi.
Muxbirimiz irade
2012-04-05
Share

Hillariy kilinton yene, amérikining pat yéqinda bérmigha qaratqan bezi iqtisadiy jaza tedbirlirini emeldin qaldurup, bérma dölet lidirlirining amérikini ziyaret qilishigha ruxset qilidighanliqinimu qoshumche qildi.

Bérmida ötken yekshenbe küni élip bérilghan toluqlima parlamént saylimida dangliq öktichi ang sang suchi xanimning parlaméntqa kirishi we xelq'aradiki musteqil közetküchilerning saylamning omumiy jehettin adil élip bérilghanliqini bildürüshi démokratik ellerni memnun qilghan idi.

Charshenbe küni yawrupa ittipaqimu bérmigha qaratqan bezi jaza tedbirlirini emeldin qaldurushni pilanlawatqanliqini jakarlidi. Emma yawrupa birliki buning bérma bilen bolghan soda munasiwetlirini derhal bashlaydighanliqini ipade qilmaydighanliqini eskertip, özlirining bérma hökümitige siyasiy mehbuslarni qoyup bérishi üchün bésim ishlitishni dawam qilidighanliqini ipade qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet