Бирма һөкүмити мусулманлар билән буддистлар арисидики диний тоқунушта мусулманларниң өлтүрүлгәнликини етирап қилди
Мухбиримиз үмидвар
2012.10.28
2012.10.28
Бу қетимқи тоқунушта 90 дин артуқ адәм өлтүрүлгән һәм мусулманларниң бир йезиси пүтүнләй дегүдәк көйдүрүветилгән.
Б б с агентлиқиниң хәвәр қилишичә, бирма һөкүмити вәзийәтни контрол қилғанлиқини билдүргән. Ейтилишичә, һәтта һөкүмәт армийиси мусулманларға һуҗум қилған буддистларни оққа тутуп тохтатқан.
Фирансийә агентлиқиниң йезишичә, 26 миңдин артуқ адәм юртини ташлап кетишкә мәҗбур болған. Бирләшкән дөләтләр тәшкилати бу мәсилигә җиддий көңүл бөлмәктә.
Вики қамусидики учурлардин мәлум болушичә, бирмадики рохиңяс мусулманлириниң сани икки милйондин артуқ болуп, улар 200 йилидин артуқ вақит бесимға учрап кәлмәктә. Бирма һөкүмити уларни һечқачан бирманиң қанунлуқ пуқраси һесаблимиған.