Bishkekte 'ata yurt' partiyisining himayichiliri namayish qildi

Yekshenbe küni qirghizistan paytexti bishkek shehiride téxi yéqinda ötküzülgen parlamént saylimida eng köp awaz alghan "ata yurt" partiyisining rehbiri qamchibék tashiyéw terepdarliri namayish qilip, wezipe ötewatqan dölet bixeterlik komitétining re'isi kéngéshbek düshenbayéwni wezipisidin istipa bérishke chaqirdi.
Muxbirimiz ümidwar
2010-10-24
Share

Fransiye agéntliqining xewer qilishiche, namayishchilar "düshenbayéw istipa bersun", "düshenbayéw kesip ehli emes" dégendek türlük pilakatlarni kötürgen.

Ferghane agéntliqining yézishiche, namayishchilarning sani 1500 etrapida bolup, ular barghanséri köpeygen. Bishkektiki hökümet binasining aldidiki namayishchi ammigha nisbeten saqchilar héchqandaq qopal wasitilerni ishletmey, ularning herikitini dawamlashturushigha yol qoyghan.

Xewer qilinishiche, ata yurt partiyisining qollighuchilirining namayish qilishidiki seweb, shenbe küni 50 nechche qoralliq adem ata yurt partiyisining rehbiri qamchibék tashiyéwning öyige basturup kirip, uninggha ziyankeshlik qilishqa urun'ghan.

Bu heqte qamchibék bayanat élan qilip, bu qilmishni dölet bixeterlik idarisining qilghanliqi, buningda dölet bixeterlik ishliri mes'uli düshenbayéwning mes'uliyiti barliqini eyibligen idi.
 
Bu yil 4 - ayda bishkekte yüz bergen namayish 6 - ayda oshta yüz bergen toqunush nurghun ademning jénigha zamin bolghan bolup, shuningdin kéyin bishkek we bashqa jaylardiki puqralar arisida yene qalaymiqanchiliq chiqishtin ensiresh kücheygen idi.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet