Bo gu'a gu'a dadisi bo shileyni aqlap bayanat élan qildi

Xitayning chungching shehirining sabiq sékrétari bo shiley partiyidin chiqirish jazasigha uchrighan we délosi edliye organlirigha yollan'ghandin kéyin, uning amérikida oquwatqan oghli bo gu'agu'a bayanat élan qilip dadisini aqlidi.
Muxbirimiz shöhret hoshur
2012.10.01
Share on WhatsApp
Share on WhatsApp

U bayanatida dadisigha qaritilghan eyiblime bilen dadisining özide qaldurghan tesirining bir-birige qarshi ikenlikini bildürdi. U dadisining öz étiqadigha sadiq we pidakar bir insan ikenlikini, özige ghayilik we pidakar bir insan bolush üchün terbiye bérip kelgenlikini éytti. U bayanatining axirida dadisining délosining normal qanuniy tertipler boyiche élip bérilishini telep qildi.

Xitayche b b s ning bügünki bu heqtiki xewiri we uninggha yézilghan inkaslardin melum bolushiche, bo gu'agu'aning bu bayanati bezi közetküchiler teripidin normal perzentlik burchi dep qaralsa, yene bezi tor ezalirining qattiq tenqidige uchridi. Tenqidligüchiler, bo gu'agu'aningmu en'gliyilik sodiger néyl héywodge qan qerzi barliqini, uning ata‏-anisining xiyanet qilghan puligha tayinip yeni xitay xelqining qan-terini shorap yashap kéliwatqanliqini otturigha qoyushti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.