Chungching shehiride, bo shileyning ziyankeshlikige uchrighan, dep erz qilghuchilar köpeymekte

En'gliyide chiqidighan “Pul-mu'amile géziti” ning 23‏-aprél künidiki sanida bayan qilinishiche, bo shiley chungching shehiride yolgha qoyghan “Qizil naxsha éytish-qara guruhlargha zerbe bérish” herikitide ziyankeshlikke uchrighanliqi heqqide sotqa erz sunuwatqan kishiler köpeymekte.
Muxbirimiz weli
2012.04.25

Gerche xitayning sot nizamida, sunulghan erzlerge bir ay ichide jawab xet yézish belgilen'gen bolsimu, emma téxiche héchkim erzi qobul qilin'ghanliqi we béjirilidighanliqi heqqide jawab xet tapshurup almighan.

Uchurlardin melum bolushiche, bo shiley chungching shehiride yolgha qoyghan “Qizil naxsha éytish-qara guruhlargha zerbe bérish” herikitide minglighan sodiger, emeldar, saqchi we adettiki puqra zerbige uchrighan, buning bezilirige ölüm jazasi bérip bolghan, beziliri hazir türmide, beziliri emgek bilen özgertish lagérida.

Omumen bu herikette zerbige uchrighan adem sani 10 minggha yétidu. Buni qaytidin tekshürüsh, sorash bir chong mesile. Gerche xitay merkizi komitéti qarar chiqirip bo shileyni wezipidin qaldurghan bolsimu, emma bo shileyning ziyankeshlikige uchrighan kishilerning erzini qobul qilidighanliqi téxi namelum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.