Xitay bo shileyning partiyidin qoghlap chiqirilghanliqini élan qildi

Xitay kompartiyisi sabiq chungching sheherlik partkom sékrétari, siyasiy byuro ezasi bo shileyning partiyidin qoghlap chiqilghanliqi we jinayi jawabkarliqqa tartilidighanliqini élan qildi.
Muxbirimiz erkin
2012-09-28
Share

Uning bundaq éghir qilmishlar bilen eyiblinishi chet'el axbarat wasitilirige nahayiti tasadipiy tuyuldi. Kompartiyisi siyasiy byurosi jüme küni qarar chiqirip, bo shileyni xiyanetchilik we bashqa jinayetler bilen eyiblep teptish da'irilirige tapshurup bérishni buyrughan.

Shinxu'a agéntliqining xewer qilishiche, siyasiy byuroning qararida bo shileyning partiye intizamigha éghir xilapliq qilghanliqi, wang lijün weqesi, gu keyleyning adem öltürüsh qilmishida hoquqini suyi'istémal qilish, hoquqidin paydilinip nepsige chogh tartish, biwasite we a'ile tawabi'atliri arqiliq bashqilardin para alghanliqi, ayallar bilen nashayan munasiwetlerde bolghanliqi, adem yallap tekshürüshke tosqunluq qilghanliqi otturigha qoyulghan.

Bo shileyning yene, bashqa jinayi mesililer bilen chétishliq ikenliki bayqalghanliqi, uning qilmishi éghir aqiwet keltürüp chiqirip, xitayning abruyigha zor buzghunchiliq qilghanliqi, xitayning ichi we sirtida intayin yaman tesir peyda qilip, éghir ziyan salghanliqi ilgiri sürülgen.

Buningdin sel ilgiri bo shileyning ayali gu keyley en'gliyilik sodiger néyl xeywudni öltürüsh bilen eyiblinip, kéchiktürüp ölüm jazasigha buyrulghan. Chungching sheherlik j x nazaritining sabiq naziri wang lijün 15 yilliq qamaq jazasigha höküm qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet