Xitayda bir türküm tor ezaliri bo shileyge yan bésip ochuq xet élan qildi

Xitayda bir türküm tor ezaliri xitay xelq qurultiyigha ochuq xet yézip, chungching shehirining sabiq partkom sékrétari bo shileyning wezipisidin qaldurulushigha naraziliq bildürgen.
Muxbirimiz shöhret hoshur
2012.10.22
Share on WhatsApp
Share on WhatsApp

Birqanche kündin béri bir qisim xitay torbetliride tarqiliwatqan bu xetke bügün'ge qeder 700 din artuq kishi imza qoyghan.

Xette, bo shileyning partiyidin qoghlap chiqirilish we wezipisidin qaldurulush qararining qanun we intizam tertiplirige uyghun bolmighanliqi, bo shileyge özini aqlash pursiti bérilmigenliki otturigha qoyulghan.

Xette mezkur qarar “Siyasiy héssiyatning türtkiside chiqirilghan qanuniyliqi gumanlinarliq bir qarar” dep tenqidlen'gen we bo shileyning jazalinishigha seweb bolghan pakitlarning xelqqe ashkarilinishi telep qilin'ghan.

Xette xitay qurultiyi bu mesilige aktip arilishishqa chaqirilghan. Bo shiley ötken ayda en'gliyilik sodiger néyl héywo'odning qestlep öltürülüsh weqesige chétishliqi barliqi we hoquqini suyi'istémal qilghanliqi seweblik partiyidin heydilish jazasigha uchrighan. U yene chiriklik we xiyanetchilik bilenmu eyiblen'gen idi.

Bügün xitayche b b s ning bu heqtiki xewiride, mezkur ochuq xetke imza qoyghanlar, bir türküm tor ezaliri dep tilgha élin'ghan؛ roytirisning xewiride bolsa “Solchi guruppidiki kishiler” dep yézilghan. Melum bolushiche, mezkur xet “Qizil junggo” namidiki bir tor bette élan qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.