Bo shileyning xelq qurultiyi wekillik salahiyiti élip tashlandi

Xitay kompartiyisi siyasiy byuro ezasi, sabiq chungching sheherlik partkom sékrétari bo shileyning xelq qurultiyi wekillik salahiyiti bikar qilinip, uning jinayi jawabkarliqqa tartilish yolidiki axirqi tosalghu élip tashlan'ghan.
Muxbirimiz erkin
2012.10.26

Bo shiley buningdin burun siyasiy byuro ezaliqidin qaldurulghan bolsimu, biraq bu qétim qurultay wekillikidin qaldurulup, kechürüm qilinish hoquqidin pütünley mehrum qilin'ghan. Xitay shinxu'a axbarat agéntliqining xewer qilishiche, xitay xelq qurultiyi da'imiy komitéti jüme küni bo shileyning wekillik salahiyiti élip tashlan'ghanliqini élan qilghan.

Xitay xelq qurultiyi kompartiyining siyasitini ijra qilidighan qorchaq organ bolsimu, biraq xitay qanuni boyiche xelq qurultiyi ezalirining jinayi ishlar jawabkarliqigha tartilishtin xali qilinip, kechürüm qilinish hoquqigha ige.

Xitay da'iriliri ötken ayning axirliri bo shileyning hoquqidin élip tashlinip, partiyidin qoghlap chiqirilghanliqi we uning teptish organlirining bir terep qilishigha tapshurup bérilidighanliqini élan qilghan.

Analizchilarning ilgiri sürüshiche, uning xelq qurultiyi wekillikidin qaldurulushi, kompartiye da'irilirining uni téz bir terep qilish qararigha kelgenlikidin dérek béridiken. Biraq uning, 8‏-noyabir chaqirilidighan kompartiye 18‏-qurultiyidin burun yaki kéyin sotlinidighanliqi éniq emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.