Xitay kompartiye merkiziy komitétining bo shileyning partiyidin chiqarghanliqi muqimlashti

4-Noyabir küni xitay kompartiyisining 18-qurultiyining échilish harpisida xitay kompartiyisi merkiziy komitéti 7-omumiy yighini chaqirip, qurultay teyyarliqi we küntertipini püttürdi.
Muxbirimiz ümidwar
2012.11.04
Share on WhatsApp
Share on WhatsApp

Mezkur 7-omumiy yighin 18-qurultayning échilish waqtining 8-noyabir ikenlikini élan qildi. Melum bolushiche, mezkur yighinda yene 18-qurultaydiki merkiziy komitét ezalirimu békitilgen hem partiye nizamanisige bezi özgertishler kirgüzülgen. Biraq béyjing bu özgertishlirini ashkarilimighan.

B b s agéntliqining xewer qilishiche, mezkur yighinda sabiq chongching shehirining partkom sékrétari bo shiley bilen sabiq tömür yol ministiri lyu jijünning mesilisi muzakire qilinip, ularning partiyidin chiqirip jaza bérilidighanliqi resmiy yosunda qararlashturulghan. Shuning bilen birge bu ikki kishining mesilisining bir terep qilinishi peqet partiye ichidiki tertip boyiche bolushi békitilgen.

Buningdin bir ay ilgiriki xewerlerde bo shileyning partiyidin chiqirilip, edliye tarmaqlirining bir terep qilinishigha tapshurulidighanliqi éytilghan idi. Emma, bu qétim bo shiley mesilisining partiyining ichki tertipi boyiche hel qilinishi uning edliye tarmaqliri teripidin jazagha tartilishi-tartilmasliqining téxi éniq emeslikini körsitidiken.

Bo shiley we lyu jijün oxshashla parixorluq, chiriklik bilen eyiblen'gen idi.

Xitay kompartiyisining 18-qurultiyining xitayning kelgüsi siyasiy islahat teqdiri bilen chétishliq ikenliki hemde yéngi rehberlik guruhining hakimiyetni igilishi bilen xitayning qandaq siyasiy yüzlinishke qarap mangidighanliqi nöwette eng diqqetke sazawer nuqtidur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.